Samay Samay Ki Baatein!

Samay se baadchit hui meri,
Kehne laga mujhe barbaad na karo,
Sadupyog yadi na kar sako
Durupyog se mujhe kalankit na karo!

Achambit hoke maine kaha
Aap kyun nahi farmaan jaari karte
aise samay vidhwanso ko?
Kyun nahi jurmana bharate
aise bemaan logo ko?

Samay muskurake bole humein
Humne dekha hai kahi baar
kaam karne wale humse jhukte nahi
Aur na kaam karne waale tokne se rukte nahi!

Maine kaha samay se
Aapka kya hai
Aap toh chal padte hai
Na rukte huye
Na prani ko na manushy ko

Samay-ji hass pade aur bole yeh sach hai
Kintu yah bhi ek sach hai
Ki hum na ruk sakte hai
Na roke jaa sakte hai
Parantu prabhu ki maya aisi hai ki
Jab aapka uchit samay nikal aaye
Toh aap bhi kabhi rukte nahi!